Klap en byt en trek hare, maar moet net nie uit my hart padgee nie!

Vir Rentia....

Ja, so eendag was daar 2 susters, die oudste een was baie girly en die jonger een was n tomboy, maar jong kon die twee nou stoei? En stry? Van klere tot kamer tot hangkas, hulle het oor alles baklei, daar was tot n denkbeeldige lyn reg deur die kamer wat die twee gedeel het, ja jong, hulle het oor niks saamgestem nie en elkeen het sy eie plekkie gesoek! Die ouer een het tot haar suster gemaak haar klere uit trek as die jonger een dit net waag om iets uit ousus se kas te 'leen'. Ousus het ook eenkeer n koekie badseep teen die kop gekry toe sy in die badkamer wou gaan loer om te sien hoe haar jonger suster bad!

Hulle was albei kinders en het intussen groot geword en kinders van hul eie gehad en hulle het alby besef dat al baklei jy hoe met jou suster, sy sal jou nooit los of uit jou hart padgee nie.....